ՕԵԿ-ը ձեռնպահ կքվեարկի կառավարության ծրագրին
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Ազգային ժողովի ՕԵԿ խմբակցությունը ձեռնպահ կքվեարկի կառավարության գործունեության ծրագրին: ՀՀ կառավարության գործունեության ծրագրին հավանություն տալու հարցի քննարկման ժամանակ այս մասին հայտնեց ԱԺ ՕԵԿ խմբակցության ղեկավար Հեղինե Բիշարյանը:
«Մենք չենք կարող դեմ լինել նոր կառավարությանն աշխատելու հնարավորություն տալուն, սակայն չենք կարող նաև կողմ լինել մի ծրագրի, որն, ըստ էության, գրեթե 80 տոկոսով նման է նախորդ կառավարությունների ծրագրին, իսկ նախորդները մենք տեսել ենք, որ կյանքի չեն կոչվել: Դրա համար մենք ձեռնպահ կմնանք»,- «Արմենպրես»-ի հաղորդմամբ՝ նշեց Բիշարյանը:
Հեղինե Բիշարյանը նաև շնորհակալություն հայտնեց ՀՀ վարչապետ Կարեն Կարապետյանին՝ կառավարությունը գրագետ և պարկեշտ մարդկանցով համալրելու համար:
Ազգային ժողովը շարունակում է քննարկել ՀՀ կառավարության գործունեության ծրագրին հավանություն տալու հարցը: Կառավարության ծրագիրը խորհրդարանում քվեարկության կդրվի հոկտեմբերի 21-ին:
Բաժանորդագրվեք մեր ալիքին Telegram-ում