Միքայել Մելքումյանը անհրաժեշտություն է համարում Գագիկ Ծառուկյանի վերադարձը քաղաքականություն
ԵՐԵՎԱՆ, 9 ԴԵԿՏԵՄԲԵՐԻ, ԱՐՄԵՆՊՐԵՍ: «Բարգավաճ Հայաստան» կուսակցության հիմնադիր Գագիկ Ծառուկյանի վերադարձը քաղաքականություն անհրաժեշտություն է: Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանն այս մասին ասաց ԱԺ ԲՀԿ խմբակցության պատգամավոր Միքայել Մելքումյանը:
«Նրա հեռանալուց հետո քաղաքական դաշտում այդ տեղը չլրացվեց, դրա համար ես մի անգամ էլ ասել եմ, որ Գագիկ Ծառուկյանի վերադարձն անհրաժեշտություն է: Դա նաև անհրաժեշտ է իշխանության չլճացման համար, որպեսզի իշխանությունը մրցունակ դառնա: Այս փուլում հարկավոր է քաղաքական մրցակցություն ապահովել, ինչը կապահովվի Գագիկ Ծառուկյանի վերադարձով»,- «Արմենպրես»-ի հաղորդմամբ՝ նշեց Մելքումյանը:
Նա հավելեց, որ Ծառուկյանը կուսակցության հիմնադիրն է և դե ֆակտո առաջնորդը: «Կգլխավորի՞ նա մեր կուսակցության ցուցակը, թե չէ, ինքը կորոշի: Ես կարծում եմ, որ հայտարարությունը չի ուշանա, նա դրա մասին հայտարարությամբ հանդես կգա: Ես կարծում եմ, որ հենց Գագիկ Ծառուկյանն է գլխավորելու այն նախընտրական սխեման, որով մենք առաջնորդվելու ենք»,- եզրափակեց Մելքումյանը:
Բաժանորդագրվեք մեր ալիքին Telegram-ում