Հայ մարզիկներն ավարտեցին ելույթները Եվրոպական օլիմպիական փառատոնում
12:39, 17 Փետրվար 2017
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Պատանի մարզիկներն ավարտել են ելույթները Եվրոպական պատանեկան օլիմպիական փառատոնում:
«Արմենպրես»-ի հաղորդմամբ` արագավազքի մրցումներում տղաների պայքարում դահուկորդ Միքայել Միքայելյանը 27-րդն էր, իսկ աղջիկների պայքարում Գոհար Թադևոսյանը` 45-րդը: Լեռնադահուկորդ Հարություն Հարությունյանը ոլորավայրէջքում զբաղեցրեց 27-րդ հորիզոնականը:
Այս տարի փառատոնն անցկացվում է Էրզրումում: Մասնակցում են 40 երկրի 832 մարզիկ, ովքեր կմրցեն 9 մարզաձևում: Եվրոպական ձմեռային օլիմպիական փառատոնն առաջին անգամ անցկացվել է 1993 թվականին` Իտալիայի Աոստա քաղաքում: Փառատոնը նախատեսված է 14-18 տարեկան մարզիկների համար:
Բաժանորդագրվեք մեր ալիքին Telegram-ում