«Մանչեսթեր Յունայթեդ»-ը նոր պայմանագիր կառաջարկի Իբրահիմովիչին
12:24, 17 Ապրիլ 2017
ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Անգլիական «Մանչեսթեր Յունայթեդ»-ը պատրաստվում է նոր պայմանագիր առաջարկել թիմի շվեդ հարձակվող Զլատան Իբրահիմովիչին: Ինչպես հաղորդում է «Արմենպրես»-ը՝ վկայակոչելով The Mirror-ը, անգլիական ակումբը պատրաստվում է ևս մեկ տարով երկարաձգել Իբրահիմովիչի պայմանագիրը` նրան առաջարկելով տարեկան 20 միլիոն ֆունտ սթերլինգ աշխատավարձ:
Զլատան Իբրահիմովիչի պայմանագիրը «Մանչեսթեր Յունայթեդ»-ի հետ ավարտվում է ընթացիկ մրցաշրջանի վերջում, սակայն բրիտանական մամուլն արդեն իսկ ողողված է լուրերով, որ անգլիական ակումբը ցանկանում է թիմում պահել 35-ամյա հարձակվողին:
Իբրահիմովիչն Անգլիայի առաջնությունում մասնակցել է 28 խաղի` դառնալով 17 գոլի հեղինակ:
Բաժանորդագրվեք մեր ալիքին Telegram-ում