ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Ազգերի լիգայի որակավորման երկրորդ տուրի շրջանակներում Հայաստանի ընտրանին Վազգեն Սարգսյանի անվան Հանրապետական մարզադաշտում հյուրընկալեց Էստոնիային:

«Արմենպրես»-ի հաղորդմամբ` մեկնարկային րոպեներին Հայաստանի ընտրանին ակտիվ և նվրրված խաղ էր ցուցադրում: Հայաստանի հավաքականը հիմնական տիրում էր գնդակին, իսկ էստոնացիները շեշտը դնում էին հակագրոհների վրա: Հայաստանի ընտրանին ունեցած առավելությունը գոլի վերածեց 44-րդ րոպեին: Ստանալով Արշակ Կորյանի դիպուկ փոխանցումը` գեղեցիկ հարվածով գոլի հեղինակ դարձավ Ալեքսանդր Կարապետյանը: Ֆուտբոլային լեզվով` սա գոլ էր «հանդերձարանի ճանապարհին»:

Երկրորդ կեսում Կապառոսը մի շարք փոփոխություններ կատարեց: Իր նորամուտը հավաքականում տոնեց Վահան Բիչախչյանը, ով մոտ էր անմիջապես գոլի հեղինակ դառնալուն, սակայն զգոն էր էստոնացիների դարպասապահը: Հանդիպման 65-րդ րոպեին հեռահար, դիպուկ, շեշտակի հարվածով հաշվի տարբերությունը կրկնապատկեց Անգուլո Վբեյմարը:

Հայաստան-Էստոնիա` 2:0:

Հայաստանի ազգային ընտրանին առաջին հաղթանակը տոնեց նոր գլխավոր մարզիչ Խոակին Կապառոսի գլխավորությամբ և Ազգերի լիգայում:

Ազգերի լիգայի երրորդ տուրի շրջանակներում Հայաստանի ընտրանին Երևանում կխաղա Վրաստանի հավաքականի հետ: Այդ խաղը նախատեսված է հոկտեմբերի 11-ին:

Պատրաստեց Վարվառա Հայրապետյանը