Իտալիայի հարավում տարածվող հրդեհները նոր զոհի պատճառ են դարձել
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Իտալիայի հարավում բռնկված հրդեհը, որի հետևանքով հազարավոր հեկտարներ են այրվում, սեփական տանը սպանել է 76-ամյա մի իտալացու: «Արմենպրես»-ի փոխանցմամբ, այս մասին հայտնում է Reuters-ը:
Հրդեհներն Իտալիայում շարունակվում են օդի բարձր ջերմաստիճանի պարագայում. երկրի հարավային հատվածներում գրանցվել է 40-ից բարձր ռեկորդային ջերմաստիճան:
Կալաբրիայում սեփական տան փլուզման հետևանքով գրանցված մահվան դեպքի առթիվ քաղաքապետը նշել է. «Հրդեհների ևս մեկ զոհը: Մենք կորցնում ենք մեր պատմությունը, մեր ինքնությունը վերածվում է մոխրի, մեր հոգին է այրվում»: Նա կոչ է արել քաղաքացիներին հեռու մնալ կրակին հարող տարածքներից:
Կարծիքներ
Հարցազրույցներ
Փաստ մեկնաբանությամբ