Երևանի Ռուսական թատրոնը «Սկապենի արարքները» ներկայացմամբ կմասնակցի «Հայրենակիցներ» փառատոնին
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Կ. Ս. Ստանիսլավսկու անվան ռուսական դրամատիկական թատրոնը հոկտեմբերի 22-28-ը կմասնակցի Սարանսկում (Մորդովիա) կայանալիք «Հայրենակիցներ» XV ռուսական դրամատիկական թատրոնների միջազգային փառատոնին։
«Արմենպրես»-ի հաղորդմամբ՝ փառատոնի հանդիսավոր բացումը վստահված է Երևանի Կ. Ս. Ստանիսլավսկու անվան ռուսական թատրոնին:
Հոկտեմբերի 22-ին Մորդովիայի հանրապետության պետական ռուսական դրամատիկական թատրոնի բեմում Հայաստանը ներկայացնող թատերախումբը կցուցադրի Ժ. Բ. Մոլիերի «Սկապենի արարքները» ներկայացումը՝ թատրոնի գեղարվեստական ղեկավար Կարեն Ներսիսյանի ռեժիսուրայով:
«Սկապենի արարքները» ներկայացումը յուրահատուկ սիրո խոստովանություն է թատրոնին՝ ուրախ, խորաթափանց:
Դրամատիկական թատրոնների XV միջազգային փառատոնին կմասնակցեն կոլեկտիվներ Հայաստանից, Ղազախստանից, Բելառուսից, Աբխազիայից, Ռուսաստանից: