Թուրքիայի նախագահն ու ՄԱԿ-ի գլխավոր քարտուղարը հեռախոսազրույց են ունեցել
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Թուրքիայի նախագահ Ռեջեփ Թայիփ Էրդողանը հեռախոսազրույց է անցկացրել ՄԱԿ-ի գլխավոր քարտուղար Անտոնիո Գուտերեշի հետ։
Այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Քննարկվել են Ռուսաստանի և Ուկրաինայի միջև տեղի ունեցող ռազմական գործողությունների հետևանքով առաջացած ճգնաժամի կարգավորմանն ուղղված նախաձեռնությունները։
Թուրքիայի ղեկավարը նշել է, որ Անկարան շարունակում է կողմերին կոչ անել վերսկսել խաղաղ բանակցությունները և դադարեցնել ռազմական գործողությունները՝ դիվանագիտական ճանապարհով։
Նախագահ Էրդողանը հայտնել է Սև ծովով ուկրաինական հացահատիկի արտահանման համատեղ ջանքերի շարունակման մասին, ինչը կնպաստի համաշխարհային պարենային ճգնաժամի կանխմանը։