Ադրբեջանի ԶՈՒ ստորաբաժանումները կրակել են նաև Տոնաշենի ուղղությամբ. Արցախի ՊՆ-ն մանրամասներ է հայտնում
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Արցախի Հանրապետության պաշտպանության նախարարությունը մանրամասներ է ներկայացրել Ադրբեջանի ԶՈՒ ստորաբաժանումների կողմից հրադադարի ռեժիմը խախտելու դեպքի առնչությամբ:
«Հուլիսի 27-ին և 28-ին Ադրբեջանի ԶՈՒ ստորաբաժանումները խախտել են հրադադարի պահպանման ռեժիմը՝ տարբեր տրամաչափի հրաձգային զինատեսակներից կրակ բացելով համապատասխանաբար՝ Տոնաշենի և Կարմիր շուկայի, Թաղավարդի հատվածում տեղակայված Արցախի ՊԲ մարտական դիրքերի ուղղությամբ։ Հայկական կողմից տուժածներ չկան։ Միջադեպի վերաբերյալ տեղեկացվել է Արցախի Հանրապետությունում խաղաղապահ առաքելություն իրականացնող ռուսական զորախմբի ղեկավարությունը»,- «Արմենպրես»-ի հաղորդմամբ՝ ասված է հաղորդագրության մեջ։