Բուլղարիայի մաքսային ծառայությունը Թուրքիայի հետ սահմանին ավելի քան 145 կգ մարիխուանա է առգրավել
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Բուլղարիայի մաքսային ծառայությունը Թուրքիայի հետ սահմանին գտնվող «Կապիտան Անդրեևո» անցակետում առգրավել է ավելի քան 145 կգ մարիխուանա՝ մոտ 2,3 մլն լև արժողությամբ (մոտ 1,15 մլն եվրո):
Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին հայտնում են մաքսատան մամուլի ծառայությունից:
Ավտոմեքենայի վարորդը՝ Ավստրիայի քաղաքացիություն ունեցող 54-ամյա տղամարդը, ձերբակալվել է: Նրան մեղադրանք է առաջադրվել թմրամիջոցների մաքսանենգության փորձի համար։
Միջադեպը հետաքննվում է:
Կարծիքներ
Հարցազրույցներ
Փաստ մեկնաբանությամբ