Փաշինյանն Ադրբեջանին առաջարկել է սպառազինությունների վերահսկման վերաբերյալ պայմանագիր ստորագրել
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ։ Հայաստանի վարչապետ Նիկոլ Փաշինյանն ընդգծում է, որ խաղաղության պայմանագրի վերաբերյալ Ադրբեջանի առաջարկներին ծանոթանալիս՝ երբեմն տպավորություն է ստանում, որ այդ երկիրը փորձ է անում ստեղծել հետագա պատերազմները լեգիտիմացնող փաստաթուղթ։ «Արմենպրես»-ի փոխանցմամբ՝ վարչապետն ասել է, որ դա տրամաբանությունից դուրս է։
Նա նշել է, որ Հայաստանն առաջարկել է զորքերը հայելային հետ քաշել Ալմաթիի հռչակագրով սահմանված սահմանագծից, սակայն Ադրբեջանը մերժել է։ Ադրբեջանը մերժել է նաև սահմանային գոտիներն ապառակազմանացնելու վերաբերյալ Հայաստանի առաջարկը։
«Ես կարող եմ այլ առաջարկ անել։ Եկեք սպառազինությունների վերահսկման վերաբերյալ պայմանագիր կնքենք, որ Հայաստանն ու Ադրբեջանը սպառազինությունների հետ կապված կոնկրետ պայմանավորվածություներ ձեռք բերեն և մեկը մյուսին վերահսկելու հնարավորություն ունենան այդ պայմանավորվածությունները կատարելու առումով։ Սա, իհարկե, նոր բան է, բայց, եթե մենք անկեղծ ուզում ենք գնալ խաղաղության, այս բոլոր հարցերը կարելի է հասցեագրել»,- նշել Փաշինյանը։
- Մխիթար Հայրապետյանը նշանակվել է Բարձր տեխնոլոգիական
արդյունաբերության նախարար
- ՀՀ վարչապետն անդրադարձել է պաշտոնական Բաքվի կողմից առաջ քաշվող
«Արևմտյան Ադրբեջան» թեզին
- Վաշինգտոնը որևէ ապացույց չունի Պեկինի կողմից Մոսկվային զենք
մատակարարելու վերաբերյալ. Բլինկեն
- ՊՆ հրապարակած տեսանյութում երևում է, ինչպես են Ադրբեջանի ԶՈՒ
զինծառայողները սադրանքի դիմում ու կրակում ՀՀ ԶՈՒ զինծառայողների
ուղղությամբ
- ԱԺ հանձնաժողովներում քննարկվել են ամբուլատոր-պոլիկլինիկական բժշկական
օգնության ծառայությունների մատուցմանը վերաբերող հարցեր