Սահմանվել են մասնագիտական ուսհաստատության ղեկավարման իրավունքի հավաստագրի հավակնորդների փաստաթղթերի ընդունման ժամկետները
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ։ ՀՀ կրթության, գիտության, մշակույթի և սպորտի նախարար Ժաննա Անդրեասյանը հրաման է ստորագրել նախնական մասնագիտական (արհեստագործական) և միջին մասնագիտական ուսումնական հաստատության ղեկավարման իրավունքի (հավաստագրի) համար հավակնորդների փաստաթղթերի ընդունելության մասին:
Ինչպես «Արմենպրես»-ին տեղեկացրին ՀՀ կրթության, գիտության, մշակույթի և սպորտի նախարարությունից, համաձայն հրամանի` նախնական մասնագիտական (արհեստագործական) և միջին մասնագիտական ուսումնական հաստատության ղեկավարման իրավունքի (հավաստագրի) համար հավակնորդների փաստաթղթերը կընդունվեն առցանց` հունվարի 31-ից փետրվարի 21-ը ներառյալ՝ քսանչորսժամյա ռեժիմով:
Ըստ աղբյուրի՝ հավաստագրման ժամանակացույցը կհաստատվի և կհրապարակվի ԿԳՄՍ նախարարության կայքում: