Թուրքական քաղաքականությունը չի կարող ազդեցություն ունենալ Ֆրանսիայի տնտեսության վրա
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Հայոց ցեղասպանության ժխտումը քրեականացնող օրինագծի ընդունման համար կան դրական եւ բացասական նախադրյալներ: Ինչպես «Արմենպրես»-ի հետ զրույցում նշեց քաղաքագետ Ալեքսանդր Մարկարովը, ֆրանսիական երկու կուսակցությունների եւ իշխող կուսակցության ընդհանուր պատրաստակամությունն ու ձայները համապատասխան փաստաթղթի օգտին տրամադրելը վկայում են Սենատում օրինագծի ընդունման հավանականության մասին: «Գործադիր եւ օրենսդիր իշխանությունների ներկայացուցիչները հայտնել են իրենց նախնական եւ օրենսդրական կարծիքները օրինագծի ընդունման վերաբերյալ, ինչպես նաեւ օրինագծի ընդումանը կարող է նպաստել բարենպաստ ֆոնը, որն առկա է հայ-ֆրանսիական հարաբերությունների միջեւ»,-ասաց Մարկարովը: Նրա խոսքով` բացասական նախադրյալն այն է, որ վերջերս Սենատի համապատասխան հանձնաժողովը բացասական կարծիք էր հայտնել փաստաթղթի ընդունմանը:
Թուրքիան մի քանի պոտենցիալ գործողություններով նշել է, որ փաստաթղթի կիրառման դեպքում կդիմի համապատասխան միջոցների: Դրանց մի մասը վերաբերում է Ֆրանսիայի հետ տնտեսական հարաբերությունների նվազեցմանը, մյուս մասը` մշակութային հումանիտար ծրագրերի սահմանափակմանն ու չիրականացմանը, ինչպես նաեւ մի շարք տեխնիկական հարցերին: «Այս իմաստով թուրքական քաղաքականությունը հայտնի է, քայլերը, կարելի է ասել, ընթերցելի եւ հասկանալի են, բայց դրանք չեն կարող ունենալ էական ազդեցություն ֆրանսիական տնտեսության վրա»,-ասաց քաղաքագետը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան