Ֆրանսիայի Սենատի որոշմամբ վճիռ կայացվեց Դինքին սպանողի դեմ
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Հայոց ցեղասպանության ժխտումը քրեականացնող օրինագծի ընդունումն ուղերձ էր Թուրքիային, որ Ցեղասպանության միջազգային ճանաչումը գործընթացի մեջ է եւ չի կարող կասեցվել: «Արմենպրես»-ի հաղորդմամբ` հունվարի 26-ին լրագրողների հետ հանդիպման ժամանակ Տարածաշրջանային ուսումնասիրությունների կենտրոնի ղեկավար, քաղաքագետ Ռիչարդ Կիրակոսյանը նշեց, որ Ցեղասպանության ճանաչման գործընթացն այսօր ավելի ուժեղ է, քան` նախկինում: «Թուրքիայի վրա այս ամենն ավելի մեծ ճնշում է գործադրում: Սենատի կողմից օրինագծի ընդունմամբ` վճիռ կայացվեց Հրանտ Դինքի սպանողի նկատմամբ»,-ասաց Կիրակոսյանը: Նա նշեց, Թուրքիայի արձագանքը օրինագծի ընդունման վերաբերյալ խնդիրը ավելի մեծ դարձրեց: «Օրինագծում չկար որեւէ նշում Հայոց ցեղասպանության վերաբերյալ: Խնդրի կարեւորությունն ընդգծվեց Թուրքիայի չափազանց մեծ արձագանքի պատճառով, որով ինքն իրեն է վնասում»,-ասաց քաղաքագետը: Նրա համոզմամբ` թուրքական իշխանությունները երկու մեծ սխալ են գործում` մերժելով Ցեղասպանությունը եւ այն խնդիր դարձնելով` իրենց արձագանքով:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան