Համահայկական խաղերի արցախյան ենթախմբերում պայքարը կշարունակեն Բուրջ Համուդի, Ստեփանակերտի և Գյումրու թիմերը
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Համահայկական խաղերի արցախյան ենթախմբերի մրցումներն ավարտվեցին. հետագա պայքարը կշարունակեն Ստեփանակերտի, Բուրջ Համուդի և Գյումրու թիմերը: Ստեփանակերտում կայացած վոլեյբոլի մրցաշարում վերջին տուրի խաղում Գյումրու թիմը պարտվեց Ստեփանակերտին, բայց կշարունակի պայքարը, իսկ առաջին տեղով հետագա պայքարը շարունակելու իրավունք ստացավ Ստեփանակերտի վոլեյբոլի թիմը:
«Արմենպրես»-ի հաղորդմամբ, ֆուտբոլի ենթախմբում վերջին տուրի կենտրոնական խաղում Արցախի թիմը ոչ-ոքի 0-0 խաղաց Բուրջ Համուդի թիմի հետ և առաջին տեղով դուրս եկավ խմբային փուլից: Լիբանանյան թիմը ևս կշարունակի պայքարը:
Թիմերն իրենց մրցակիցներին կիմանան օգոստոս 7-ին և օգոստոսի 8-ի մեկօրյա հանգստից հետո կշարունակեն պայքարը:
- Վերջին մեկ շաբաթում Հայաստանում հաստատվել է Covid-19-ի 139 դեպք. մահացել է 1
մարդ
- Դադարե՛ք անտեսել, ճանաչե՛ք Արցախի անկախությունը.ԱՄՆ դեսապանատան դիմաց
բողոքի ակցիա է ընթանում
- Համահայկական խաղերի համաշխարհային կոմիտեն նախապատրաստվում է ձմեռային
2-րդ խաղերին
- Առողջ ապրելակերպն ազգային նոր վերելքի բաղադրիչներից է. Երևանի
պատվիրակությունը Ստեփանակերտում է
- Ստեփանակերտը պատրաստ է Համահայկական խաղերի բացմանը