Սամվել Մարտիրոսյանը հորդորում է չպատասխանել ալբանական կոդով անծանոթ համարներից զանգերին
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Տեղեկատվական անվտանգության փորձագետ Սամվել Մարտիրոսյանը հորդորում է զերծ մնալ ալբանական կոդով սկսվող հեռախոսազանգերին պատասխանելուց:
«Արմենպրես»-ի հաղորդմամբ` Մարտիրոսյանն իր ֆեյսբուքյան էջում գրել է, որ այդ հեռախոսահամարներով հիմնականում զանգում են ու չեն խոսում:
«Նրանց ամբողջ ուզածն այն է, որ հետ զանգեք, որ ձեզանից գումար կորզեն։ Դրսից, ոչ հայկական ու անծանոթ համարից զանգ ստանալու դեպքում հետ մի զանգեք»,-գրել է Սամվել Մարտիրոսյանը` հավելելով, որ այդ պարագայում հնարավոր է շատ գումար կորցնել:
Կարծիքներ
Հարցազրույցներ
Փաստ մեկնաբանությամբ