Օլիմպիական չեմպիոն Արթուր Ալեքսանյանը անսպասելի պարտություն կրեց Եվրոպայի առաջնությունում
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Օլիմպիական խաղերի, աշխարհի և Եվրոպայի չեմպիոն, Արթուր Ալեքսանյանը պարտվեց հունահռոմեական ըմբշամարտի Եվրոպայի առաջնության քառորդ եզրափակիչում:
«Արմենպրես»-ի հաղորդմամբ` սերբական Նովի Սադ քաղաքում ընթացող Եվրոպայի առաջնության 98 կգ քաշային կարգի քառորդ եզրափակիչում Ալեքսանյանը մրցում էր նորվեգ Ֆելիքս Բալդաուֆի հետ: Գոտեմարտն ավարտվեց 2:2 հաշվով, սակայն ավելի բարձր միավորանոց տեխնիկական հնարք կիրառած Բալդաուֆը կշարունակի պայքարը:
2016 թվականի Օլիմպիական խաղերի չեմպիոն Արթուր Ալեքսանյանը կկարողանա շարունակել պայքարը, եթե նորվեգացին հասնի եզրափակիչ:
Կարծիքներ
Հարցազրույցներ
Փաստ մեկնաբանությամբ