ԵՐԵՎԱՆ, 25 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի S7 Space մասնավոր ընկերությունը, որը «Մորսկոյ ստարտ» տիեզերակայանի սեփականատերն Է, ազդարարել Է դեպի Մարս թռիչքների եւ հեռավոր տիեզերք թռիչքներից առաջ տիեզերանավերի սպասարկման համար «Ուղեծրային տիեզերակայանի» ստեղծման մասին: Ինչպես տեղեկացնում Է «Արմենպրես»-ը, այդ մասին ասված Է Facebook ընկերության Էջում հրապարակված նյութերում:

«Մենք սկսում ենք աշխատանքն «Ուղեծրային տիեզերակայան» նախագծի իրականացման նպատակով: Դրա ստեղծման գործում մենք առաջարկում ենք կիրառել ամբողջ հարստագույն փորձը, որը հայրենական տիեզերագնացությունը կուտակել Է երկարատեւ օդաչուավոր թռիչքների բնագավառում»,- ասված Է հաղորդագրության մեջ:

Բացի դրանից, Էջում զետեղված Է S7 Space-ի տիեզերական ծրագրի հայեցակարգի տեսագրությունը, որը նախատեսում Է հրթիռների արձակումներ «Մորսկոյ ստարտից», բեռների առաքում «Ուղեծրային տիեզերակայան» եւ դրանց ուղարկում Մարս՝ հենակայանի անձնակազմի համար, հաղորդել Է ՌԻԱ Նովոստի գործակալությունը: