ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Գերմանիայի արտաքին գործերի նախարարի ժամանակավոր պաշտոնակատար Հայկո Մաասը, Ֆրանսիայի ԱԳ նախարարության ղեկավար Ժան Իվ լե Դրիանը եւ Ուկրաինայի ԱԳ նախարարության ղեկավար Դմիտրի Կուլեբան նոյեմբերի 15-ին Բրյուսելում հանդիպում կանցկացնեն «Արեւելյան գործընկերության» երկրների ներկայացուցիչների հետ կայանալիք բանակցությունների շրջանակներում: Այդ մասին, ինչպես տեղեկացնում Է «Արմենպրես»-ը, Բեռլինում անցկացված ճեպազրույցում հայտարարել Է Գերմանիայի արտաքին քաղաքական գերատեսչության ներկայացուցիչ Անդրեա Զասեն:

«Օրվա երկրորդ կեսին կկայանա ԵՄ-ի ԱԳ նախարարությունների ղեկավարների հանդիպումը «Արեւելյան գործընկերության» երկրների ներկայացուցիչների հետ. կենտրոնական թեման կդառնա դեկտեմբերին «Արեւելյան գործընկերության» գագաթնաժողովին նախապատրաստվելը: Այդ հանդիպման շրջանակներում Գերմանիայի ԱԳ նախարարության ղեկավար Մաասը Ֆրանսիայի իր պաշտոնակից լե Դրիանի հետ նախնական բանակցություններ կանցկացնեն Ուկրաինայի ԱԳ նախարար Կուլեբայի հետ»,-հայտարարել Է Զասեն, հաղորդել Է ՌԻԱ Նովոստին: