«Ռոմա»-ն հաղթեց «Սպեցիա»-ին. Մխիթարյանը մասնակցեց խաղին
23:16, 27 Փետրվար 2022
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Իտալիայի ֆուտբոլի առաջնության 27-րդ տուրում «Ռոմա»-ն արտագնա խաղում մրցեց «Սպեցիա»-ի դեմ և առավելության հասավ նվազագույն հաշվով:
«Արմենպրես»-ի հաղորդմամբ` առաջին կեսում երկու թիմերը չօգտագործեցին իրենց հնարավորությունները: Նույն ընթացքն ունեցավ նաև երկրորդ խաղակեսը: «Ռոմա»-ին հաջողվեց հաղթանակ կորզել հավելցված 7-րդ րոպեին: Նշանակված 11 մետրանոց հարվածն անվրեպ իրացրեց Թոմի Աբրահամը:
Հայաստանի ֆուտբոլի ազգային թիմի կիսապաշտպան Հենրիխ Մխիթարյանը «Ռոմա»-ի մեկնարկային կազմում էր, սակայն փոխարինվեց հանդիպման վերջնամասում:
Այս տուրից հետո «Ռոմա»-ն Սերիա Ա-ի մրցաշարային աղյուսակում 6-րդն է:
Բաժանորդագրվեք մեր ալիքին Telegram-ում