Հարևան երկրների հետ Իրանի ապրանքաշրջանառությունն աճել է 11 տոկոսով
20:06, 13 Դեկտեմբեր 2023
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ։ Իրանի առևտրաշրջանառության ծավալը 15 հարևան երկրների հետ ընթացիկ տարում ավելացել է 11,4 տոկոսով՝ կազմելով 38,62 մլրդ դոլար։
«Արմենպրես»-ի հաղորդմամբ՝ ինչպես հայտնում է իրանական IRNA գործակալությունը, այս մասին հայտարարել է Իրանի մաքսային ծառայության ղեկավար Մոհամմադ Ռեզվանիֆարը։
Նշված ժամանակահատվածում 15 հարևան երկրների հետ ապրանքաշրջանառությունը կազմել է 63,1 մլն տոննա, ինչը 17,2 տոկոսով գերազանցում է նախորդ տարվա նույն ժամանակահատվածի ցուցանիշը:
Ըստ աղբյուրի՝ 2023 թվականի 8 ամիսների ընթացքում Իրանը հարևան երկրներ է արտահանել 18,38 մլրդ դոլարի ապրանք:
Բաժանորդագրվեք մեր ալիքին Telegram-ում