ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Հայաստանը ներկայացնող բռնցքամարտիկները շարունակում են ելույթները Եվրոպայի առաջնությունում: 

«Արմենպրես»-ի հաղորդմամբ`  57 կգ քաշային Արթուր Բազեյանն առաջին մենամարտում գերազանցեց լեհ Յակուբ Կրզպիտին` առավելության հասնելով 5:0 հաշվով: Բազեյանը դուրս եկավ քառորդ եզրափակիչ: Այդ մենամարտը կկայանա ապրիլի 24-ին:

67 կգ քաշում Արարատ Հարությունյանը 5:0 հաշվով պարտության մատնեց կրկին Լեհաստանից Մատեուշ Գրեյբերին:  Նա ևս դուրս եկավ քառորդ եզրափակիչ և կրկին հաջորդ մենամարտը կանցկացնի ապրիլի 24-ին:

86 կգ քաշային Համլետ Հարությունյանի անդրանիկ մրցակիցը սլովակ Յոզեֆ Կոստուրն էր, ում հայ բռնցքամարտիկը գերազանցեց 3:4 հաշվով: Հարությունյանի մենամարտը քառորդ եզրափակիչում ապրիլի 24-ին է:

63,5 կգ քաշային Նարեկ Հովհաննիսյանն զիջեց  հունգար Ռիչարդ Կովացկուն, իսկ 71 Գուրգեն Մադոյանի երկրորդ մենամարտում պարտվեց Չեռնոգորիայից Ստեֆան Սավկովիչին: