Երևանում՝ 11:07,   22 Մայիս 2024

ՀՀ ՏԿԵ նախարար Սանոսյանն այցելել է Վիլնյուսի էներգիայի պահեստավորման կայանների համակարգ

ՀՀ ՏԿԵ նախարար Սանոսյանն այցելել է Վիլնյուսի էներգիայի պահեստավորման 
կայանների համակարգ

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Լիտվա կատարած աշխատանքային այցի շրջանակներում ՀՀ տարածքային կառավարման և ենթակառուցվածքների նախարար Գնել Սանոսյանն Լիտվայի էներգետիկայի փոխնախարար Ալբինաս Զանանավիչյուսի ուղեկցմամբ այցելել է Վիլնյուսի Energy Cells-ի 200 մեգավատ (ՄՎտ) էներգիայի պահեստավորման կայանների համակարգ: «Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է նախարար Սանոսյանը։

«Տեղում ներկայացվել են պահեստավորման կայանի շինարարության և շահագործման մանրամասները: Ամբողջ համակարգը բաղկացած է էներգիայի պահպանման 4 սարքերից՝ 50 ՄՎտ/ժ հզորությամբ, որը ապահովում է Լիտվայի էլեկտրաէներգետիկ համակարգի հուսալի շահագործումը: Այն ներկայումս բալթյան երկրներում ամենամեծ, իսկ Եվրոպայում՝ իր տեսակի մեջ ամենախոշոր նախագծերից մեկն է», նշել է ՀՀ ՏԿԵ նախարարը:

Ըստ նրա՝ լիտվական կողմը պատրաստակամություն է հայտնել կիսվել Հայաստանի հետ այս ոլորտում իր հաջողված փորձով:

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am