ԱՄՆ-ն պատասխանատվություն ունի կանխելու ևս մեկ Հայոց ցեղասպանություն․ կոնգրեսականների ապրիլքսանչորսյան հայտարարությունները
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ։ Հայոց ցեղասպանության 109-րդ տարելիցի առնչությամբ ԱՄՆ մի քանի տասնյակ կոնգրեսականներ հանդես են եկել հայտարարություններով՝ դատապարտելով կատարվածը, զուգահեռներ տանելով ավելի քան մեկ դար առաջ տեղի ունեցած ոճրագործության և Ադրբեջանի կողմից հայերի դեմ իրականացվող ներկայիս բռնությունների միջև։
Մասնավորապես, X-ի իր էջում Ներկայացուցիչների պալատի անդամ Աբիգեյլ Սփանբերգերը նշել է․ «Այսօր մենք ոգեկոչում ենք հիշատակն ավելի քան 1,5 մլն հայերի, ովքեր սպանվեցին Օսմանյան կայսրությունում։ Մենք պետք է դատապարտենք հայ ժողովրդի դեմ շարունակական ագրեսիան Թուրքիայի և Ադրբեջանի կողմից»։
Today is Armenian Genocide Remembrance Day.
— Rep. Abigail Spanberger (@RepSpanberger) April 24, 2024
Today, we honor the memories of the more than 1.5 million Armenians murdered by the Ottoman Empire — and we must condemn the continued aggression against the Armenian people by Turkey and Azerbaijan.
«Արմենպրես»-ի փոխանցմամբ, մեկ այլ կոնգրեսական՝ Ջոն Լարսոնը գրել է․ «Այսօր մենք հիշում ենք 1,5 միլիոն մարդկանց, ովքեր սպանվեցին կամ տեղահանվեցին 109 տարի առաջ տեղի ունեցած Հայոց ցեղասպանության ժամանակ։ Ես ողջ աշխարհի հայերի կողքին եմ արժանապատվության համար իրենց պայքարում, մասնավորապես նրանց հետ, ովքեր բախվեցին հարձակումների և տեղահանման Լեռնային Ղարաբաղում»։
Today, we remember the 1.5 million people who were murdered or displaced during the Armenian Genocide 109 years ago. I stand with Armenians across the globe in their fight for dignity, especially those facing attacks and displacement from Nagorno-Karabakh. #ArmenianGenocide109
— Rep. John Larson (@RepJohnLarson) April 24, 2024
ԱՄՆ կոնգրեսական Ֆրենկ Փալոնեն վստահ է, որ պետք է խոսել Հայոց ցեղասպանության մասին՝ վստահ լինելու, որ պատմությունն այլևս չի կրկնվի։ «Դժբախտաբար, հայ ժողովուրդը մինչ օրս շարունակում է առերեսվել սպառնալիքների։ Հազարավոր հայերի Արցախից բռնի տեղահանելուց հետո Ալիևը շարունակում է կոպտորեն խախտել հայ ժողովրդի իրավունքները։ Այս գործողությունները շարունակելու են էսկալացիան, քանի դեռ Ալիևը պատասխանատվության չի ենթարկվել հայկական տարածքում իր ցեղասպանական արարքների և սպառնալիքների համար։ Այսօր ճանաչելով հայ ժողովրդի ուժը՝ մենք պետք է նաև ընդունենք այն հստակ զուգահեռները, որոնք կան անցյալ հանցագործությունների և Ադրբեջանի կողմից այս պահին շարունակվող հանցանքների միջև։ ԱՄՆ-ն պատասխանատվություն ունի կանխելու ևս մեկ Հայոց ցեղասպանություն և պատասխանատվության ենթարկելու Ալիևին»,- գրել է Փալոնեն։
After forcibly removing thousands of Armenians from Artsakh, Aliyev continues to commit gross human rights violations against the Armenian people. These actions will continue to escalate if Aliyev is not held accountable for his genocidal actions & threats on Armenian territory.
— Rep. Frank Pallone (@FrankPallone) April 24, 2024
Աննա Էշուն, ով նաև ԱՄՆ Ներկայացուցիչների պալատի կողմից Հայոց ցեղասպանությունը ճանաչող բանաձևի հեղինակներից է, ընդգծել է․ «Այս տարվա ոգեկոչումը հատկապես ցավալի է, քանի որ այն հաջորդում է Լեռնային Ղարաբաղի հայերի դեմ Ադրբեջանի սարսափելի էթնիկ զտման արշավին։ Մենք չպետք է սպասենք ևս մեկ դար՝ պատասխանատվության ենթարկելու Ադրբեջանին այն հանցանքների համար, որ գործել է»։
This year’s commemoration is especially poignant because it comes on the heels of Azerbaijan's horrendous ethnic cleansing campaign against the Armenians of Nagorno-Karabakh. We must not wait another century to hold Azerbaijan accountable for the crimes it has committed.
— Rep. Anna G. Eshoo (@RepAnnaEshoo) April 24, 2024
Ներկայացուցիչների պալատի անդամ Թեդ Լիուն հրապարակել է Կոնգրեսում իր ելույթը․ «Հայոց ցեղասպանության նման կոտորածները հիշելն առանցքային է՝ վստահեցնելու համար, որ նման բան այլևս չի կրկնվի։ Այս գործընթացի կարևորագույն մասը կրթությունն է»։ Նա հպարտությամբ ներկայացրել է մի քանի այլ կոնգրեսականների հետ մշակած նախագիծը, որով նախատեսվում է 5 տարվա ընթացքում 10 մլն ԱՄՆ դոլար հատկացնել Կոնգրեսի գրադարանին՝ զարգացնելու Հայոց ցեղասպանության վերաբերյալ կրթական ծրագրեր, որոնք կկարողանան կիրառել ԱՄՆ ամբողջ տարածքում։ «Դրա շնորհիվ ապագա սերունդները կտեղեկանան և երբեք չեն մոռանա կոտորածների մասին»։
On Armenian Genocide Remembrance Day, we honor those displaced, murdered and persecuted 109 years ago. Honored to co-lead the Armenian Genocide Education Act alongside @RepAnnaEshoo, @RepGusBilirakis and @RepDavidValadao to promote understanding of these horrific events. pic.twitter.com/B3gj0AE2qt
— Rep. Ted Lieu (@RepTedLieu) April 24, 2024
ԱՄՆ Կոնգրեսի հայկական հարցերով հանձնախմբի անդամ Դեյվիդ Վալդաոն հրապարակած տեսաուղերձում ասել է․ «Մենք երբեք չենք մոռանա այն տղամարդկանց, կանանց ու երեխաներին, ում կյանքը կորսվեց կամ ընդմիշտ փոխվեց այս ողբերգության պատճառով։ Մինչ Արցախի բնակչությունը հարձակման տակ էր Ադրբեջանի կողմից, ավելի քան երբևէ կարևոր է, որ ԱՄՆ-ն կանգնած լինի հայ համայնքի կողքին՝ վստահեցնելու, որ նմանօրինակ ողբերգություններն այլևս երբեք չեն կրկնվի։ Ես շարունակելու եմ լինել հայ համայնքի ձայնը Կոնգրեսում»։
Today on Armenian Genocide Remembrance Day, we pause to remember the 1.5 million Armenians who were murdered or displaced by the Ottoman Empire and recommit to ensuring a tragedy like this never happens again. pic.twitter.com/ksLIhOQE22
— Rep. David Valadao (@RepDavidValadao) April 24, 2024
ԱՄՆ կոնգրեսական Ջուդի Չուն մասնավորապես նշել է․ «Ճանաչելով այս պատմական փաստը, մենք հարգում ենք հայ ժողովրդի դիմացկունությունն այն ժամանակ և այսօր»։
Today, we remember the 1.5 million Armenians killed in the 1915 genocide perpetrated by the Ottoman Empire.
— Judy Chu (@RepJudyChu) April 24, 2024
In recognizing this historical fact, we honor the resilience of the Armenian people then through today. pic.twitter.com/szUeBYC46Y
Ներկայացուցիչների պալատի անդամ Լինդա Սանչեսը հրապարակել է իր ելույթը Կոնգրեսում, որում ասում է․ «Այս ցեղասպանությունը համաշխարհային պատմության ամենացավալի էջերից մեկն է։ Մինչդեռ, ցավոք, դրա մասին շատ չի խոսվում։ Մենք չենք կարող երբևէ մոռանալ կամ ժխտել հայերի համակարգված սպանությունները և խոշտանգումները։ Մենք պետք է դասեր քաղենք սարսափելի պատմությունից և երբեք չմոռանանք պաշտպանել ճնշված ու խոցելի մարդկանց։ Մենք պարտավոր ենք դա անել զոհերի և նրանց սերունդների առաջ, ովքեր շարունակում են տառապել այս դաժան ու անարդար կոտորածի պատճառով»։
I am honored to represent a large & vibrant Armenian community & today I stand in solidarity with them as we recognize the 109th commemoration of the Armenian Genocide.
— Rep. Linda Sánchez (@RepLindaSanchez) April 24, 2024
I hope we can all take time today to stand with the Armenian community & reflect on this painful moment. pic.twitter.com/2sySJ4k3CO
ԱՄՆ սենատոր Քրիս վան Հոլենը, խոսելով Հայոց ցեղասպանության մասին, նշել է․ «Այնպիսի ժամանակներում, երբ ականատես եղանք Լեռնային Ղարաբաղում հայերի դեմ սարսափելի բռնությունների և էթնիկ զտման, մենք պետք է սովորենք պատմությունից, այլ ոչ թե երես թեքենք դրանից»։
On Armenian Genocide Remembrance Day, we remember the 1.5M Armenians who were brutally murdered by the Ottoman Empire.
— Senator Chris Van Hollen (@ChrisVanHollen) April 24, 2024
At a time when we've witnessed terrible violence and ethnic cleansing against Armenians in Nagorno-Karabakh, we must learn from history — not turn away from it.
Ներկայացուցիչների պալատի անդամ Դոն Բեյերը, ոգեկոչելով Ցեղասպանության զոհերի հիշատակը, ընդգծել է․ «Մենք չպետք է այլ կողմ նայենք կամ ժխտենք պատմական ճշմարտությունը, որը շարունակում է ազդել ողջ աշխարհի հայերի վրա»։
We remember the Armenian Genocide today, which began 109 years ago on this date, with sorrow for the 1.5 million Armenians who were murdered during this dark moment in history. We must not look away or deny this historical truth, which still affects Armenians all over the world.
— Rep. Don Beyer (@RepDonBeyer) April 24, 2024
ԱՄՆ կոնգրեսական Բրայան Սթիլը X-ի իր էջում գրել է․ «Այս տարվա տարելիցին մենք հիշում ենք նաև այն դժվարությունները, որոնք ապրում է Լեռնային Ղարաբաղի հայ բնակչությունը»։
Today we recognize the 109th anniversary of the Armenian Genocide. On the anniversary this year, we also recognize the current hardship endured by the Armenian population of Nagorno-Karabakh. pic.twitter.com/F3adWtUr59
— Bryan Steil (@RepBryanSteil) April 24, 2024
Հայոց ցեղասպանության 109-րդ տարելիցին հայտարարությամբ են հանդես եկել նաև կոնգրեսականներ Ադամ Շիֆը, Բրեդ Շերմանը, Ջոն Սարբանեսը, Միշել Սթիլը և այլոք։
Բաժանորդագրվեք մեր ալիքին Telegram-ում