Երևանում՝ 11:07,   25 Մայիս 2024

Եվրոպական խորհրդարանը ԵՄ-ին կոչ է անում կասեցնել Ադրբեջանի հետ ռազմավարական համագործակցությունն էներգետիկ ոլորտում

Եվրոպական խորհրդարանը ԵՄ-ին կոչ է անում կասեցնել Ադրբեջանի հետ 
ռազմավարական համագործակցությունն էներգետիկ ոլորտում

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ։ Եվրոպական խորհրդարանն Ադրբեջանում մարդու իրավունքների խախտումների վերաբերյալ բանաձև է ընդունել, որով Եվրոպական հանձնաժողովին կոչ է արել կասեցնել էներգետիկ համագործակցությունն Ադրբեջանի հետ և այդ երկրի հետ ապագա ցանկացած համագործակցություն պայմանավորել քաղբանտարկյալների ազատ արձակմամբ և մարդու իրավունքների ընդհանուր իրավիճակի բարելավմամբ։

Բացի այդ, բանաձևում նշվում է, որ Ադրբեջանում մարդու իրավունքների շարունակական խախտումները համատեղելի չեն այդ երկրում COP29 համաժողովի անցկացման նախապատրաստական աշխատանքների հետ։

Եվրախորհրդարանի պատգամավորները նաև Ադրբեջանից պահանջում են ազատ արձակել բոլոր քաղբանտարկյալներին, Ադրբեջանի իշխանություններին հիշեցնում են մարդու իրավունքներն ու արժանապատվությունը հարգելու պարտավորությունը՝ կոչ անելով չեղարկել ռեպրեսիվ օրենսդրությունը, որոնք անկախ ոչ կառավարական կազմակերպություններին և ԶԼՄ-ներին օրենքից դուրս են թողնում։

Բանաձևը ԵՄ-ին կոչ է անում պատժամիջոցներ կիրառել Ադրբեջանի այն պաշտոնյաների նկատմամբ, որոնք մարդու իրավունքների խախտումներ են թույլ տվել։

Բանաձևի ընդունմանը նախորդած դեբատների ժամանակ ելույթ ունեցած պատգամավորների մեծ մասը մտահոգություն են հայտնել Ադրբեջանում մարդու իրավունքների իրավիճակի վերաբերյալ, Եվրոպական հանձնաժողովին կոչ են արել կասեցնել Ադրբեջանի հետ ռազմավարական համագործակցությունն էներգետիկ ոլորտում ու դադարել Ալիևի ռեժիմին ռազմավարական գործընկեր համարել։ Պատգամավորները իրենց ելույթներում շեշտել են նաև, որ Ադրբեջանում մարդու իրավունքների շարունակական խախտումները համատեղել չեն այդ երկրում COP29 համաժողովն անցկացնելու որոշման հետ։

 

 

 

 

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am