«Մինասի գույները» համախմբել է երիտասարդ նկարիչներին
ԳՅՈՒՄՐԻ, 29 ՕԳՈՍՏՈՍԻ, ԱՐՄԵՆՊՐԵՍ: «Մինասի գույներն» այս տարի կրկին Շիրակում համախմբել է երիտասարդ նկարիչներին: Արդեն հինգերորդ անգամ անցկացվող երիտասարդ նկարիչների պլեներ-միջազգային հավաքն այս անգամ ևս կանցկացվի Թորոսգյուղի «Երեքնուկ» գեղատեսիլ հանգստյան գոտում: Առաջին պլեներից սկսած երիտասարդ նկարիչների հավաքը նվիրված է Մինասին: Այս ընթացքում՝ նրանք ստեղծագործում են Մինասի հողում՝ ոգեշնչվելով հենց Մինասի գույներով: Դա ունի խորհուրդ և դարձել է սկզբունք պլեների անցկացման համար:
Ծրագիրն իրականացնում են Շիրակի մարզպետարանը եւ «Արվեստը հանուն խաղաղության» հասարակական կազմակերպությունը: Պլեների շրջանակներում հանրապետության բոլոր մարզերից և արտերկրից ժամանած երիտասարդ նկարիչներն ակտիվ հանգիստը համատեղում են վարպետության դասերի և հետաքրքիր հանդիպումների հետ:
Արդեն հինգերորդ անգամ անցկացվող «Մինասի գույներով» խորագիրը կրող ամենամյա հավաքն այս անգամ կանցկացվի օգոստոսի 28-31-ը: Այն նվիրված է Հայաստանի Հանրապետության անկախության 25-ամյակին և կրում է «Անկախ Հայաստանի երիտասարդ արվեստագետները» խորագիրը: Պլեների նպատակն է երիտասարդ արվեստագետների միջև ստեղծել միջմշակութային համագործակցության հարթակ՝ այն ծառայեցնելով մշակութային երկխոսությանը:
Պլեների բացումը տեղի ունեցավ օգոստոսի 28-ին Գյումրու «Ստիլ» պատկերասրահում՝ հանրապետական 1-ին պլեների և միջազգային 2, 3, և 4-րդ պլեներների մասնակցից երիտասարդ նկարիչների ստեղծագործությունների ցուցադրությամբ:
Ծրագիրն իրականացվում է Շիրակի մարզպետարանի եւ «Արվեստն հանուն խաղաղության» հասարակական կազմակերպության կողմից: Այս անգամ պլեները համախմբել է 18-30 տարեկան 55 երիտասարդ արվեստագենտների՝ ՀՀ բոլոր մարզերից և Վրաստանի Հանրապետության Ախալքալաք, Նինոծմինդա քաղաքներից: Պլեների ձևաչափը նույնն է՝ էքրսկուրսիաներ, ճանաչողական այցեր, վարպետության դասեր: Երիտասարդները հնարավորություն կունենան այս ընթացքում նկարելու Շիրակի բնությունը, պատմական ու մշակութային հուշարձանները՝ շիրակյան գույներով:
Բաժանորդագրվեք մեր ալիքին Telegram-ում