Անժելա Կժդրյանը նշանակվել է ԿԳ նախարարի մամուլի խոսնակ
18:40, 6 Մայիս 2019
ԵՐԵՎԱՆ, 6 ՄԱՅԻՍԻ, ԱՐՄԵՆՊՐԵՍ: Անժելա Կժդրյանը նշանակվել է ՀՀ Կրթության և գիտության նախարարի մամուլի խոսնակ:
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է նախարար Արայիկ Հարությունյանը:
«Սիրելի լրագրողներ, լրատվամիջոցների հարգելի ներկայացուցիչներ, այսօր իմ մամուլի խոսնակ է նշանակվել Անժելա Կժդրյանը: Վստահ եմ, որ լրատվամիջոցների հետ Անժելան կունենա արդյունավետ համագործակցություն»,- գրել է նախարարը:
Մայիսի 6-ին ՀՀ կրթության և գիտության նախարարի մամուլի խոսնակի պաշտոնից ազատման դիմում է գրել Լուսինե Մարգարյանը, ով այդ պաշտոնը զբաղեցնում էր 2016թ. մարտի 1-ից:
Բաժանորդագրվեք մեր ալիքին Telegram-ում