ԼՂ-ում պայթյունի հետևանքով ծանր վիճակում գտնվողները ռուս խաղաղապահների ուղեկցությամբ ուղղաթիռներով տեղափոխվում են ՀՀ
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ։ Սեպտեմբերի 25-ին Ասկերանի շրջանում վառելիքի պահեստում տեղի ունեցած պայթյունի հետևանքով ծանր և ծայրահեղ ծանր վիճակում գտնվող հիվանդներին օդային ճանապարհով տեղափոխում են ՀՀ մասնագիտացված բժշկական կենտրոններ։
«Արմենպրես»-ի հաղորդմամբ՝ այս մասին տեղեկացնում են ԼՂ առողջապահության նախարարությունից՝ հավելելով, որ այս պահին 4-րդ թռիչքն է իրականացվում` ՀՀ առողջապահության նախարարության աշխատակիցների և ռուս խաղաղապահների ուղեկցությամբ։
Աղբյուրի տեղեկատվությամբ՝ ուղղաթիռով Հայաստանից Ստեփանակերտ տեղափոխված բժիշկների թիմը՝ անհրաժեշտ դեղորայքով և բժշկական պարագաներով, այս պահին գտնվում է հանրապետության բուժհաստատություններում և տեղի բժիշկների հետ բոլոր տուժածներին ցուցաբերվում է անհրաժեշտ բուժօգնություն։
Բաժանորդագրվեք մեր ալիքին Telegram-ում