Երևանում՝ 11:07,   14 Մայիս 2024

Ծանրորդ Սամվել Գասպարյանը ԵԱ-ի արծաթե մեդալակիր է, Գարիկ Կարապետյանը` բրոնզե

Ծանրորդ Սամվել Գասպարյանը ԵԱ-ի արծաթե մեդալակիր է, Գարիկ 
Կարապետյանը` բրոնզե

ՍՈՖԻԱ, 19 ՓԵՏՐՎԱՐԻ, ԱՐՄԵՆՊՐԵՍ: Հայաստանի ծանրամարտի հավաքականի անդամները շարունակում են պայքարը Եվրոպայի վարկանիշային առաջնությունում:

«Արմենպրես»-ի թղթակցի հաղորդմամբ` մրցումային 8-րդ օրը պայքարի մեջ մտան 102 կգ քաշային ծանրորդները:

Հայաստանի հավաքականի անդամ Գարիկ Կարապետյանը երկու հաջող մոտեցմամբ բարձրացրեց 177 կգ և 182 կգ: Այս ձևում նա նվաճեց փոքր ոսկե մեդալ: Հրում վարժությունում Կարապետյանը գլխավերևում պահեց միայն 212 կգ: Երկամարտի 394 կգ արդյունքով Կարապետյանը դարձավ Եվրոպայի առաջնության բրոնզե մեդալակիր:

Ազգային թիմի ներկայացուցիչ Սամվել Գասպարյանը երեք հաջող մոտեցում ունեցավ` 173 կգ, 177 կգ, 180 կգ: Այս վարժությունում Գասպարյանը նվաճեց փոքր բրոնզե մեդալ: Հրում վարժությունում նա երկու մոտեցմամբ բարձրացրեց 211 և 216 կգ: Այս ձևում նաև երկրորդն է: Երկամարտի 396 կգ արդյուքով նա դարձավ ԵԱ-ի արծաթե մեդալակիր:

Մինչ այս Հայաստանի հավաքականից Եվրոպայի առաջնության ոսկե մեդալակիրներ են դարձել 55 կգ քաշային Ալեքսանդրա Գրիգորյանը և 67 կգ քաշային Գոռ Սահակյանը, 96 կգ քաշային Հակոբ Մկրտչյանը:  96 կգ քաշային Դավիթ Հովհաննիսյանը դարձել է արծաթե մեդալակիր, իսկ 81 կգ քաշային Ռաֆիկ Հարությունյանը բրոնզե մեդալ է նվաճել: 

Վարվառա Հայրապետյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am