ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Դամասկոսը չի համաձայնվի երկրի հյուսիսում քրդական դաշնային տարածաշրջանի ստեղծմանը: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին տված հարցազրույցում հայտարարել Է Մոսկվայում Սիրիայի դեսպան Ռիյադ Խադադը: 

«Քաղաքական կարգավորումը հենվում Է մի քանի կետերի վրա, այն Է՝ ժողովրդի, երկրի ամբողջականության եւ նրա ինքնիշխանության պահպանում: Այս ամենը բացառում են երկրի բաժանման հնարավորությունը եւ մեզ թույլ չեն տալիս համաձայնել դաշնային տարածաշրջանի ստեղծմանը, որն առաջարկում են քրդերը»,- նշել Է Խադադը:

Այսպիսով, նշել Է դիվանագետը, «այս հիմնավորման սահմաններից դուրս ցանկացած բանակցություններ անընդունելի են մեր կառավարության համար»:

Սիրիայի հյուսիսում դաշնային տարածաշրջանի ստեղծման վերաբերյալ քրդերը հայտարարել են մարտ ամսվա կեսերին: Մի քանի օր առաջ նրանք հայտարարել են դաշնության մեջ Ռաքան՝ զինյալների «մայրաքաղաքը», ներառելու իրենց ցանկության մասին: 

Միջազգային հանրակցությունը, այդ թվում՝ Ռուսաստանը եւ ԱՄՆ-ը, «Հյուսիսային Սիրիայի Դաշնային Տարածաշրջանի» ստեղծումը վաղաժամ Է համարել: