Պակիստանում ջրհեղեղի հետևանքով ավտոբուս է շրջվել. կա 15 զոհ
12:38, 30 Հուլիս 2016
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Պակիստանի հյուսիսարևմտյան շրջանում ջրհեղեղը դարձել է ճանապարհատրանսպորտային պատահարի պատճառ, որի հետևանքով մահացել է 15 մարդ: Ինչպես հաղորդում է «Արմենպրես»-ը` վկայակոչելով Interfax-ը, այս մասին հաղորդել է Associated Press-ը:
Տեղական իշխանությունների տրամադրած տեղեկատվության համաձայն` ավտոբուսը հարսանիքից հետո հյուրերին էր տեղափոխում: Մի քանի քաղաքացիներ էլ վնասվածներ են ստացել: Հուլիս ամսվա ընթացքում Պակիստանում ջրհեղեղների հետևանքով մահացել է 55 քաղաքացի:
Բաժանորդագրվեք մեր ալիքին Telegram-ում