Բրիտանիայի ներդրումային ընկերությունը գնել Է 375 բնակիչ ունեցող գյուղը
15:56, 27 Ապրիլ 2017
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Մեծ Բրիտանիայի Albanwise ներդրումային ընկերությունը Հյուսիսային Յորքշիրի կոմսությունում գնել Է Ուեստ Հեսլերթոն գյուղը, որը մեկ տարի առաջ վաճառքի Էր հանվել 20 միլիոն ֆունտ ստեռլինգ (շուրջ 26 միլիոն դոլար) մեկնարկային գնով: Այդ մասին, ինչպես տեղեկացնում Է «Արմենպրես»-ը, գրել Է The Guardian թերթը:
Գործարքի վերջնական գումարը չեն հայտնում, բայց վերլուծաբանները պնդում են, որ այն մոտ Է մեկնարկայինին: Լոտը ներառել Է դաստակերտ՝ ավելի քան 20 սենյակով, եւս 43 տուն, գարեջրատուն եւ ավելի քան 800 հեկտար գյուղատնտեսական հանդակներ: Գյուղում ապրում Է 375 մարդ:
150 տարվա ընթացքում գյուղի սեփականատերը եղել Է Դոնեյների գերդաստանը, 2010 թվականին վախճանվել Է բնակավայրի վերջին տիրուհին՝ 84-ամյա Իվ Դոնեյը: Նրա ժառանգները որոշել են վաճառել սեփականությունը:
Տեղացի բնակիչներն անհանգստացած են վարձակալության վճարի պոտենցիալ աճից, քանի որ նախկին տիրուհին երկար տարիներ այն պահում Էր շատ ցածր մակարդակի վրա: Գյուղը տարեկան շուրջ 388 հազար ֆունտ եկամուտ Էր բերում սեփականատիրուհուն, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում