Ֆուտզալի բարձրագույն խումբ. «Արարատ-Արմենիան» հաղթեց, առաջատար «Երևանը» ոչ-ոքի խաղաց
13:33, 16 Նոյեմբեր 2021
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Տեղի ունեցան Հայաստանի ֆուտզալի բարձրագույն խմբի 6-րդ մրցափուլի առաջին հանդիպումները:
«Արմենպրես»-ի հաղորդմամբ` այս մասին հայտնում է ՀՖՖ-ն: Կենտրոնական խաղում «Երևանը» մրցեց ՀՊՏՀ-ի հետ: Առաջատար «Երևանը» պարտվում էր 4:6 հաշվով, սակայն հանդիպման վերջնամասում դարպասապահի փոխարեն խաղադաշտ դուրս բերեց 5-րդ խաղացողի և կարողացավ փրկել հանդիպումը: Այն ավարտվեց ոչ-ոքի՝ 6:6 հաշվով:
Մյուս խաղում «Արարատ-Արմենիան» 15:4 հաշվով հաղթեց «Ֆալկոնս»-ին:
6 մրցափուլերից հետո «Երևանը» 16 միավորով գլխավորում է մրցաշարային աղյուսակը, «Արարատ-Արմենիան» 15 միավորով երկրորդն է, ՀՊՏՀ-ն՝ 14 միավորով երրորդը:
Բաժանորդագրվեք մեր ալիքին Telegram-ում