Թուրքիայում վթարի է ենթարկվել մարդատար ավտոբուս
14:45, 26 Նոյեմբեր 2022
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Թուրքական Դիարբեքիրում մարդատար ավտոբուս է շրջվել, նախնական տվյալներով տուժել է 20 մարդ;
Ինչպես հաղորդում է «Արմենպրես»-ը` վկայակոչելով ՌԻԱ Նովոստին, այս մասին հայտնում է Duvar թերթը։
«Դիարբեքիր-Բիսմիլ ավտոճանապարհի Յուվաչիկ գյուղում ուղևորատար ավտոբուսը դուրս է եկել կառավարումից և շրջվել ձորը: Դեպքի վայր են ուղարկվել ոստիկանության, առողջապահության, Արտակարգ իրավիճակների նախարարության հրշեջ ջոկատները», - հայտնում է հրատարակությունը։
Նախնական տվյալներով՝ վթարի հետևանքով տուժել է 20 մարդ։ Ուղևորներից ոմանք փորձում են դուրս գալ շրջված ավտոբուսից։
Բաժանորդագրվեք մեր ալիքին Telegram-ում