Էստոնիայի արտգործնախարարը խոստանում է Հայոց ցեղասպանության ճանաչման գործընթաց սկսել
15:28, 13 Դեկտեմբեր 2023
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Էստոնիայի արտաքին գործերի նախարար Մարգուս Ցահքնան խոստանում է երկրի խորհրդարանում սկսել Հայոց ցեղասպանության ճանաչման գործընթաց:
Լուսանկարները՝ Հայկ Հարությունյանի
«Արմենպրես»-ի հաղորդմամբ՝ Էստոնիայի արտաքին գործերի նախարարն այս մասին տեղեկացրել է X-ի իր միկրոբլոգում հայ գործընկերոջ հետ հանդիպումից հետո:
«ՀՀ արտաքին գործերի նախարար Արարատ Միրզոյանի հետ հանդիպմանը ես ընդգծեցի, որ Հայաստանի նկատմամբ Էստոնիայի պարտքն է, որ մենք չենք ճանաչել հայ ժողովրդի դեմ ցեղասպանությունը, և ես գործընթացը կսկսեմ Էստոնիայի խորհրդարանում»,-նշել է նա:
Մարգուս Ցահքնան Ծիծեռնակաբերդի հուշահամալիրում հարգել է Հայոց ցեղասպանության զոհերի հիշատակը:
Բաժանորդագրվեք մեր ալիքին Telegram-ում