Երևանում՝ 11:07,   26 Մայիս 2024

Վարչապետը Լոռիում ծանոթացել է դպրոցներում շինարարության հետ կապված խնդիրների վերացման աշխատանքներին

Վարչապետը Լոռիում ծանոթացել է դպրոցներում շինարարության հետ կապված 
խնդիրների վերացման աշխատանքներին

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Հայաստանի վարչապետ Նիկոլ Փաշինյանը Լոռու մարզ այցի ընթացքում ծանոթացել է դպրոցներում նորոգման, վերանորոգման աշխատանքների հետ կապված խնդիրների վերացման աշխատանքներին:

«Արմենպրես»-ի փոխանցմամբ՝ Փաշինյանը «Ֆեյսբուք»-իր էջում տեսանյութեր է հրապարակել՝ կից գրառումներով:

Վարչապետը երկրորդ անգամ այցելել է Վանաձորի Ղևոնդ Ալիշանի անվան N 27 եւ Ծովակալ Իսակովի անվան N 23 հիմնական դպրոցների մարզադահլիճներ:

Ստեփանավանի թիվ 1 հիմնական դպրոցում ծանոթացել է խնդիրների վերացման աշխատանքներին:

Այս տարի երկրորդ անգամ վարչապետն այցելել է նաև Լոռու մարզի Մեդովկա բնակավայրի նորակառույց հիմնական դպրոց:

«Նախորդ անգամ արձանագրված խնդիրները եւ թերությունները շտկված էին: Տպավորություններս դրական են»,-տեսանյութին կից նշել է վարչապետը:

Նախորդ այցի շրջանակում Փաշինյանը կառուցված և վերանորոգված դպրոցներում արձանագրել էր տարբեր խնդիրներ և պատասխանատուներին հանձնարարել դրանք շտկել սեղմ ժամկետներում: Վարչապետի նախորդ այցից հետո պաշտոնից ազատվել էր Լոռու մարզպետ Արամ Խաչատրյանը։ 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am