Երևանում՝ 11:07,   24 Մայիս 2024

Թատերական երկամսյակի շրջանակներում Գեղարքունիքի մարզում բեմադրվել է 8-րդ ներկայացումը

Թատերական երկամսյակի շրջանակներում Գեղարքունիքի մարզում բեմադրվել է  
8-րդ ներկայացումը

ԳԱՎԱՌ, 22 ԱՊՐԻԼԻ, ԱՐՄԵՆՊՐԵՍ։ Գեղարքունիքի մարզպետ Կարեն Սարգսյանի նախաձեռնությամբ և ԿԳՄՍ նախարարության աջակցությամբ Գեղարքունիքի մարզում հայտարարված թատերական երկամսյակի շրջանակներում Գեղարքունիքի Լևոն Քալանթարի անվան դրամատիկական թատրոնի դահլիճում հերթական՝ 8-րդ ներկայացումը բեմադրել են  Վանաձորի Հովհաննես Աբելյանի անվան պետական դրամատիկական թատրոնի դերասանները։

Ինչպես «Արմենպրես»-ը տեղեկացավ Գեղարքունիքի մարզպետի աշխատակազմի ԿՄՍ վարչությունից, Վանաձորի Հովհաննես Աբելյանի անվան պետական դրամատիկական թատրոնի դերասանները հանդես են  եկել  ճապոնացի գրող Բեցույակու Մինորուի «Խոսիր ինձ հետ» դրամայի ներկայացմամբ, որի ռեժիսորն է Ալյոնա Ջավուկցյանը։ Բեմադրության հիմքում ճապոնացի հեղինակի «Հարյուր ենթավճար» ստեղծագործությունն է, որը գրվել է 2000 թվականին։

Ռեժիսորի խոսքով՝ «Խոսիր ինձ հետ» ներկայացումը միայնակ կնոջ և տղամարդու մասին է, որոնք հավաքական կերպարներ են։

«Հանդիսատեսն իրեն տեսնելու է թե՛ տղամարդու, թե՛ կնոջ մեջ։ Մեզնից յուրաքանչյուրն այս կերպարների մեջ հարազատ շունչ է զգալու։ Միայնակ մարդիկ, որոնք հայտնվել են նույն վայրում, նույն նպատակով՝ կախվելու համար: Նրանք ընթացքում սկսում են բացահայտել իրենց նախապատմությունը՝ ով ինչ խնդիրներ ունի և ինչն է իրեն հասցրել այդ կետին։ Շեշտը դրված է սիրո վրա։ Հերոսները սիրահարվում են, փորձում են օգնել միմյանց, հասկանալ՝ ինչո՞ւ են ուզում կախվել, ինչո՞ւ հենց հիմա և արդյոք ոչինչ իրենց հետ չի՞ պահի այդ մտքից և այլն։ Ուշագրավն այն է, որ ներկայացման ավարտը բաց է, որովհետև հանդիսատեսն ինքն է որոշում՝ արդյո՞ք հերոսներն ի վերջո կախվում են, թե ոչ»,-ներկայացրել է բեմադրության ռեժիսորը։

Ներկայացումն այս անգամ դիտելու հնարավորություն էին ստացել կրթական ոլորտի և առանձին կազմակերպությունների ներկայացուցիչներ, անհատ քաղաքացիներ։

Խոսրով Խլղաթյան

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am