Պուտինը շնորհավորել է Ռոուհանիին Իրանի նախագահի պաշտոնում վերընտրվելու կապակցությամբ
14:44, 20 Մայիս 2017
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Ռուսաստանի Դաշնության նախագահ Վլադիմիր Պուտինը շնորհավորել է Հասան Ռոուհանիին Իրանի Իսլամական Հանրապետության նախագահի պաշտոնում վերընտրվելու կապակցությամբ: Ինչպես հաղորդում է «Արմենպրես»-ը, այս մասին հայտնում է ՌԴ նախագահի պաշտոնական կայքը:
Շնորհավորական հեռագրում ՌԴ նախագահը պատրաստակամություն է հայտնել շարունակել համատեղ ակտիվ աշխատանքը ռուս-իրանական համագործակցության հետագա զարգացման նպատակով:
Վլադիմիր Պուտինը ձեռք բերված պայմանավորվածությունների հետագա հաջող իրականացման համոզմունք է հայտնել, ինչը, ըստ նրա, բխում է երկու երկրի բարեկամական ժողովուրդների շահերից և նպաստում է Մերձավոր ու Միջին Արևելքում, ինչպես նաև ողջ աշխարհում կայունության ու անվտանգության ապահովմանը:
Բաժանորդագրվեք մեր ալիքին Telegram-ում