ერევანი, 6 მარტი, არმენპრესი. სომხეთის თავდაცვის მინისტრმა სურენ პაპიკიანმა ირანში ოფიციალური ვიზიტის ფარგლებში, ირანის თავდაცვისა და შეიარაღებული ძალების მხარდაჭერის მინისტრ მოჰამედ რეზა ღარაი აშტიანთან შეხვედრისას მიაღწია რამდენიმე შეთანხმებას ორმხრივი ინტერესის საკითხებზე.

„არმენპრესის“ ინფორმაციით, ამის შესახებ ინფორმაციას სომხეთის რესპუბლიკის თავდაცვის სამინისტრო ავრცელებს. ირანის ისლამური რესპუბლიკის თავდაცვისა და შეიარაღებული ძალების მხარდაჭერის სამინისტროში დახვედრის ცერემონიის შემდეგ სომხეთის თავდაცვის მინისტრ სურენ პაპიკიანსა და ირანის ისლამური რესპუბლიკის შეიარაღებული ძალების თავდაცვისა და მხარდაჭერის მინისტრს მოჰამედ რეზა ღარაი აშტიანს შორის შეხვედრა გაიმართა.

განიხილეს თავდაცვის სფეროში თანამშრომლობის მიმდინარე კურსი და განვითარების პერსპექტივები.

მინისტრებმა აზრები გაცვალეს საერთაშორისო და რეგიონულ საკითხებზე და დაადასტურეს პოზიციები სამხრეთ კავკასიაში გრძელვადიანი მშვიდობისა და სტაბილურობის დამყარების თაობაზე.

შეხვედრაზე მიღწეულ იქნა არაერთი შეთანხმება ორმხრივი ინტერესის საკითხებზე.