Դիարբեքիրում ահաբեկչության հետեւանքով երկու ժանդարմ է սպանվել
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Թուրքիայի հարավ-արեւելյան Դիարբեքիր նահանգում անցած գիշեր սպանվել է ժանդարմերիայի երկու աշխատակից: Ինչպես տեղեկացնում է «Արմենպրես»-ը՝ վկայակոչելով ՏԱՍՍ գործակալությունը, շրջանի ղեկավարությունը հայտնել է, որ ահաբեկիչները պայթեցրել են ժանդարմերիայի տրանսպորտի ճանապարհին տեղակայված ավտոմեքենան:
Պատահարը տեղի է ունեցել Լիջե գավառում, որտեղ ահաբեկչական խմբավորման անդամները փորձում էին ապակայունացնել հասարակական կարգը: Խաչմերուկներից մեկում նրանք ավտոմեքենա էին այրել, եւ շրջան էին ուղղվել անվտանգության ուժեր՝ ծայրահեղականներից բխող վտանգը չեզոքացնելու համար:
«Ժանդարմերիայի աշխատակիցներին տեղափոխող զրահապատ տրանսպորտի վրա հարձակում է տեղի ունեցել: Ահաբեկիչները պայթեցրել են պայթուցիկով լի ավտոմեքենան: Ժանդարմերիայի երկու աշխատակից զոհվել է, չորսը՝ վիրավորվել են»,- ասվում է նահանգի ղեկավարության հայտարարությունում: Շրջանում հատուկ գործողություն է անցկացվում՝ հարձակվողներին գտնելու ուղղությամբ:
- Օհանավանում հայտնաբերվել է միջնադարյան ժայռափոր դամբարան. ԿԳՄՍ
նախարարությունը մանրամասներ է հայտնում
- Հայաստանի ոստիկանության պետը հանդիպումներ է ունեցել Եվրոպոլի և ՍԻՊՈԼ-ի
ղեկավարների հետ
- Հայաստանի պաշտպանության նախարարը մասնակցել է Դուբայի ավիացիոն
ցուցահանդեսի բացմանը
- ՄԱԿ-ի գլխավոր քարտուղարը հայտարարել է Գազայի հատված մարդասիրական
օգնություն տրամադրելու վերաբերյալ Իսրայելի և ԱՄՆ-ի համաձայնության մասին
- Անահիտ Ավանեսյանը BBC-ին ներկայացրել է Լեռնային Ղարաբաղից բռնի
տեղահանված անձանց առողջապահական կարիքները