ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Նյու Յորքի ֆեդերալ դատարանը հունիսի 23-ին չորս տարի եւ ինն ամիս բանտարկության Է դատապարտել Շվեդիայի 25-ամյա քաղաքացի Ալեքս Յուսելին՝ Blackshades վտանգավոր համակարգչային վիրուսն ստեղծողին, որով ընդհանուր առմամբ վարակվել Է 500 հազար համակարգիչ աշխարհի ավելի քան 100 երկրներում: Նա նաեւ պետք Է վճարի 200 հազար դոլարի չափով տուգանք, տեղեկացնում Է «Արմենպրես»-ը:  

Այս տարվա փետրվարին Յուսելը Նյու Յորքի Մանհեթենի շրջանի դատարանում խոստովանել Է իր մեղքը: «Ես օգնել եւ հրահրել եմ ուրիշներին դիտավորյալ ուղարկելու Blackshades ծրագիրը, որը վնաս Է հասցրել համակարգիչներին»,- ասել Է նա:

Ներկայացված մեղադրանքի համաձայն՝ Յուսելը նաեւ ղեկավարում Էր այն կազմակերպությունը, որը նույնպես ստացել Է Blackshades անվանումը: Այն զբաղվում Էր վիրուսի վաճառքով նրանց, ովքեր ցանկանում Էին օգտվել դրանից: Այս «գործարարությունից» կազմակերպությունը վաստակել Է ավելի քան 350 հազար դոլար, հաղորդել Է ՏԱՍՍ-ը: