ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Ամերիկահայ գործարար, բարերար, «Ամերիաբանկ»-ի խորհրդի անդամ, դոկտոր Նուբար Աֆեյանն ընտրվել է Մանաչուսեթսի տեխնոլոգիական ինստիտուտի հոգաբարձուների խորհրդի անդամ: Ինչպես հաղորդում է «Արմենպրես»-ը` Մանաչուսեթսի տեխնոլոգիական ինստիտուտն աշխարհի առաջատար բուհերի շրջանում զբաղեցնում է պատվավոր 3-րդ հորիզոնականը:

Աֆեյանը դոկտորի աստիճան է ստացել 2010 թվականին և բազմաթիվ գիտական հրապարակումների հեղինակ է: Flagship Ventures առաջատար գիտահետազոտական ընկերության հիմնադիրն ու գործադիր տնօրենն է: Իր 30-ամյա կարիերայի ընթացքում Աֆեյանն ստեղծել է 38 գիտատեխնիկական ընկերություններ և այժմ մի քանի մասնավոր և պետական ընկերությունների ղեկավարն է հանդիսանում:

Նուբար Աֆեյանի, ով ՀԲԸՄ-ի կենտրոնական վարչական ժողովի անդամ է նաև, Ռուբեն Վարդանյանի և Վարդան Գրիգորյանի (Carnegie Foundation) համատեղ ջանքերով մեկնարկել է «100 Lives» (Հարյուր կյանք) ծրագիրը, և հիմնվել «Ավրորա համաշխարհային մարդասիրական մրցանակը» (Aurora Prize for Awakening Humanity):