ԱՄՆ-ը Թուրքիա այցելող իր քաղաքացիներին հիշեցրել է ահաբեկչության վտանգի մասին
12:04, 28 Հունիս 2016
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Ամերիկայի Միացյալ Նահանգների պետքարտուղարությունը թարմացրել է նախազգուշացնող հայտարարությունը Թուրքիա այցելել ցանկացող քաղաքացիների համար: Ինչպես հաղորդում է «Արմենպրես»-ը` վկայակոչելով թուրքական Demokrathaber.net-ը, ԱՄՆ-ը հիշեցրել է այդ երկրում առկա ահաբեկչության վտանգի մասին` հորդորելով զգոն լինել:
ԱՄՆ-ը նմանօրինակ վերջին հայտարարությունն արել էր մարտի 29-ին, որում, ինչպես և այս անգամ, հիշեցրել էր, որ օտարերկրյա զբոսաշրջիկները Թուրքիայում ահաբեկչական խմբավորումների կողմից թիրախավորվում են:
Բաժանորդագրվեք մեր ալիքին Telegram-ում