ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Վենեսուելայի նախագահ Նիկոլաս Մադուրոն խոստացել Է խորհրդարանական հեղաշրջում թույլ չտալ երկրում: Այդ մասին, ինչպես տեղեկացնում Է «Արմենպրես»-ը, նա հայտարարել Է՝ դիմելով նախագահական պալատի մոտ հավաքված իր կողմնակիցներին:

Ավելի վաղ Ազգային ասամբլեան, որը վերահսկում են նախագահի քաղաքական ընդդիմախոսները, որոշում Է կայացրել քննարկել նրան իշխանազրկելու հարցը: Պատգամավորները քվեարկել են «Նիկոլաս Մադուրոյի նկատմամբ գործընթաց սկսելու» եւ այն բանի օգտին, որ խորհրդարանական հանձնաժողովն սկսի ուսումնաասիրել «հնարավոր քրեական ու քաղաքական պատասխանատվությունը, ինչպես նաեւ հեռացումը պետության ղեկավար պաշտոնից»:

«Վենեսուելայում երբեք խորհրդարանական հեղաշրջում չի եղել, եւ մենք թույլ չենք տա, որ այն տեղի ունենա որեւԷ տեսքով,- Մադուրոյի խոսքը մեջբերել Է Վենեսուելայի նորությունների գործակալությունը—Թող դրա մասին իմանան աջերը»: Պետության ղեկավարի կարծիքով՝ Ազգային ասամբլեան մտադիր Է «վնաս հասցնել Վենեսուելային»: Նախագահը խոստացել Է, որ անձամբ Է մասնակցելու կառավարության եւ ընդդիմության միջեւ երկխոսությանը, որը մեկնարկը նշանակված Է հոկտեմբերի 30-ին: «Մեզ համար երկխոսությունն այլընտրանք չունի»,- ընդգծել Է Մադուրոն, հաղորդել Է ՏԱՍՍ-ը: