«Հայփոստ»-ը շրջանառության մեջ դրեց «Կապի տարածաշրջանային համագործակցություն. ազգային խոհանոց» թեմային նվիրված նամականիշը
15:57, 28 Նոյեմբեր 2016
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: «Հայփոստ» ՓԲԸ-ն շրջանառության մեջ դրեց «Կապի տարածաշրջանային համագործակցություն. ազգային խոհանոց» թեմային նվիրված նամականիշը:
«Արմենպրես»-ի հաղորդմամբ՝ նամականիշը տպագրված է Ֆրանսիայում՝ 60 հազար տպաքանակով: Դիզայնի հեղինակն է «Հայփոստ» ընկերության դիզայներ Վահագն Մկրտչյանը: Նամականիշի մարումն իրականացրեցին Խոհարարների միության նախագահ Սեդրակ Մամուլյանը և «Հայփոստ» ՓԲԸ նախագահի ժամանակավոր պաշտոնական Հայկ Ավագյանը:
«Ուզում եմ շնորհակալություն հայտնել «Հայփոստ» ընկերությանը ազգային խոհանոցի հանրահռչակման համար: Պետք է բոլոր հարթակներն օգտագործել մեր խոհանոցը հանրությանը ներկայացնելու նպատակով»,-ասել է Սեդրակ Մամուլյանը:
Նամականիշն ունի 170 դրամ անվանական արժեք:
Բաժանորդագրվեք մեր ալիքին Telegram-ում