Աշխարհում ամենաբարդ քաղցրաբլիթե տնակը կառուցել են 500 ժամում
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Լոնդոնի Biscuiteer ընկերության խոհարարները թխել են Ծննդյան տոների աղանդեր, որը զանգվածային լրատվամիջոցները ճանաչել են որպես աշխարհում քաղցարաբիլիթե ամենաբարդ տնակը, հաղորդում Է «Արմենպրես»-ը՝ հղում անելով Yahoo! Style-ին: Դրա պատրաստման համար պահանջվել Է 500 ժամվա աշխատանք, որը ձգվել Է 15 ամիս:
Խոհարարներն օգտագործել են 240 ձու, 216 կիլոգրամ քաղցրաշերտ եւ 30 կիլոգրամ շաքար: Քաղցրաբլիթե տնակի բարձրությունը 180 սանտիմետր Է: Այն ունի հինգ սենյակ՝ հարդարված Լյուդովիկոս XIV-ի ոճով:
Տնակի ստեղծմանը «բիսքվիտային ճարտարապետներին» ոգեշնչել Է Ուոդեսդոնի կալվածքը՝ Անգլիայի Բաքինհեմփշիրի կոմսությունում Ռոտշիլդների ընտանիքի քաղաքամերձ առանձնատունը:
Instagram-ի Biscuiteer Էջում հաղորդվում Է, որ տնակը ցուցադրվում Է Ուոդեսդոնի կալվածքում եւ այն կարելի Է տեսնել մինչեւ 2017 թվականի մարտը: Թե ինչ ճակատագիր Է սպասում աղանդերին այդ ժամկետից հետո, չի ճշտվում:
Բաժանորդագրվեք մեր ալիքին Telegram-ում