Հունվարի սկզբին Հայաստանից արտահանվել է ավելի քան 2 հազար տոննա միրգ և բանջարեղեն
19:19, 19 Հունվար 2017
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Ընթացիկ տարվա սկզբից Հայաստանից արտահանվել է շուրջ 2 հազար 300 տոննա միրգ և բանջարեղեն։ Այդ մասին կառավարության նիստից հետո լրագրողների հետ զրույցում նշեց Գյուղատնտեսության փոխնախարար Ռոբերտ Մակարյանը։
«Այդ ծավալը շատ ավելին է, քան 2016-ի հունվարի առաջին 2 տասնօրյակում։ Արտահանվել են հիմնականում պահեստավորված խաղող և ջերմոցային լոլիկներ»,- «Արմենպրես»-ի փոխանցմամբ՝ ասաց Մակարյանը` ավելացնելով, որ արտահանումն իրականացվել է հիմնականում Ռուսաստան:
Բաժանորդագրվեք մեր ալիքին Telegram-ում