Լոնդոնը դադարեցրել Է ԱՄՆ-ին տվյալներ տրամադրել Մանչեսթրի ահաբեկչության հետաքննության մասին
12:33, 25 Մայիս 2017
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Մեծ Բրիտանիան դադարեցրել Է ԱՄՆ-ին տեղեկատվություն տրամադրել Մանչեսթրում կատարված ահաբեկչական գործողության հետաքննության վերաբերյալ: Այս մասին, ինչպես տեղեկացնում Է «Արմենպրես»-ը, հայտնել Է BBC հեռուստառադիոհաղորդումների կորպորացիան:
«Ոստիկանությունը, որը հետաքննում Է «Մանչեսթր-Արենա» մարզադաշտի վրա կատարված հարձակումը, դադարեցրել Է ԱՄՆ-ին տեղեկատվություն տրամադրել զանգվածային լրատվամիջոցներում արտահոսից հետո»,- նշել Է BBC-ն:
«Մեծ Բրիտանիայում պաշտոնատար անձինք վրդովված են, որ The New York Times թերթում լուսանկարներ են հայտնվել պայթյունի վայրից»,- նշել Է BBC-ն: Վերջինս ուշադրություն Է հրավիրում այն հանգամանքի վրա, որ ահաբեկչական գործողությունը կատարած Սալման Աբեդիի անունն ամերիկյան զանգվածային լրատվամիջոցներում Է հայտնվել հարձակումից ընդամենը 24 ժամ հետո, հարձակում, որի հետեւանքով զոհվեց 22 եւ վիրավորվեց 64 մարդ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում