Էրդողանն ու Վրաստանի վարչապետը քննարկել են Կովկասում տիրող իրավիճակը
ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանի վարչապետ Իրակլի Ղարիբաշվիլին և Թուրքիայի նախագահ Ռեջեփ Թայիփ Էրդողանը քննարկել են Կովկասում տիրող իրավիճակը:
Այս մասին, ինչպես հաղորդում է «Արմենպրես»-ը, հայտնում է ՏԱՍՍ-ը՝ հղում անելով Վրաստանի կառավարության մամուլի ծառայությանը:
«Վրաստանի վարչապետ Իրակլի Ղարիբաշվիլին ՄԱԿ -ի Գլխավոր ասամբլեայի շրջանակներում հանդիպել է Թուրքիայի նախագահ Ռեջեփ Թայիփ Էրդողանի հետ: Հանդիպման բովանդակությունը վերաբերել է տարածաշրջանում տիրող իրավիճակին: Ըստ Իրակլի Ղարիբաշվիլիի՝ Վրաստանի ամենակարևոր նպատակը տարածաշրջանում խաղաղության և կայունության պահպանումն է, և Վրաստանը պատրաստ է կատարել իր խաղաղապահ գործառույթը Կովկասյան տարածաշրջանում երկարաժամկետ խաղաղության և կայունության ապահովման համար»,-ասված է հաղորդագրության մեջ:
Բաժանորդագրվեք մեր ալիքին Telegram-ում