ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Վրաստանի կառավարությունը որոշում Է ընդունել լրացուցիչ հողմային, արեգակնային եւ հիդրոԷլեկտրակայանների կառուցման մասին՝ 150 մեգավատ սահմանված հզորությամբ: Այդ մասին, ինչպես տեղեկացնում Է «Արմենպրես»-ը, կառավարության նիստից հետո կայացած ճեպազրույցում հայտարարել Է հանրապետության Էկոնոմիկայի եւ կայուն զարգացման փոխնախարար Ռոմեո Միքաութաձեն: «Կառավարության այսօրվա նիստում վերականգնվող Էներգետիկայի զարգացման նպատակով հավանություն տրվեց մի քանի նախագծերի, այդ թվում հողմային, արեգականային եւ  հիդրոԷլեկտրակայանների կառուցմանը: Ընդհանուր հզորությունը կկազմի 150 մեգավատ:

Հողմակայանը կլինի 110 մեգավատ հզրությամբ, արեգակնայինը՝ 20 մեգավատ, իսկ մնացած հզորությունները կբաշխվեն հիդրոԷլեկտրակայանների վրա»,- ճշտել Է նա: Նոր Էլեկտրակայնները կգտնվեն Ասպինձա եւ Գորի քաղաքների շրջակայքում, ինչպես նաեւ Քսանի գյուղի մոտ: Նախագծի ներդրումային արժեքը կկազմի 200 միլիոն դոլար: Նոր Էլեկտրականները մտադիր են կառուցել օտարերկրյա եւ տեղական ներդրումների հաշվին: Նոր արտադրող հզորությունները կդառնան Վրաստանի միասնական Էլեկտրահամակարգի մի մասը, հավելել Է Միքաութաձեն, հաղորդել Է ՏԱՍՍ-ը: